Háls fær alla athyglina í þessari viku, það þarf að gæta vel að hreyfingum á hálsi og stefna á mildar og mjúkar hreyfingar, en ekki þrýsta eða þröngva sér í djúpar teygjur.

Einn vinsælasti pistill fyrr og síðar á þessari síðu er einmitt pistill sem var skrifaður um hálshreyfingar, og hvet ég áhugasama til að renna yfir hann líka.

Lesa meira um heilbrigðar hálshreyfingar  >>hérna<<

Hreyfingar fyrir háls með gát

 

Það er alltaf gott að hreyfa líkamann, en höfum í huga að hálsinn getur verið viðkvæmur.

Gott er að byrja rólega og kanna í rólegheitum hvar mörkin þín liggja. Prófaðu endilega að hreyfa í allar áttir, ekki pína þig í hreyfingu ef þú færð verk.

Stoppaðu frekar og byrjaðu upp á nýtt.

Þegar þú þekkir takmörk þín vel er hægt að leyfa sér að nudd jafnvel hálsinn og fara í örlítið dýpri teygjur með aðstoð handahreyfinga.

Allt hitt

Nærliggjandi svæði í líkamanum hafa mikið um það að segja hvernig okkur líður í hálsinum.

Sú staða sem þú heldur á meðan þú situr hefur knanski mest áhrif, vegna þess að sitjum svo mikið.

Reyndar hefur því verið fleygt fram að meðalmanneskja sitji í um 80% af sínum vökutíma! – Og ekki halda að þú sért undanskilin/n! Prófaðu til dæmis að telja saman klukkustundirnar sem þú situr í vinnunni + bílnum + matarborðið + sófinn + …. þetta er efni í annan pistil 🙂

Hvar á að byrja

(ég geri bara ráð fyrir því að þú sitjir)

1. Réttu úr bakinu
2. Hafðu báðar iljar í gólfi
3. Horfðu fram
4. Andaðu djúpt
5. þegar þú ert tilbúin/n byrjaðu þá varlega að hreyfa háls fram/aftur, til beggja hliða og í snúning
6. Taktu þinn tíma og finndu muninn á milli hægri og vinstri hliða í hálsinum

 

Svo ef þú vilt gera dýpri hreyfingar með mér, þá skaltu stilla á Facebook á fimmtudaginn

Þar verð ég LIVE á Facebook síðu Jakkafatajóga á fimmtudaginn kl 10:00.

Smelltu við LIKE á síðuna og fáðu meldingu þegar ég fer í loftið.

 

Viltu meira?

Fylgdu Jakkafatajóga á Facebook, því á hverjum fimmtudegi kl 10 setjum við inn stutt myndband með þægilegum æfingum til að gera við skrifborðið, eða í eldhúsinu, eða hvar sem þú ert staddur/ stödd.

Myndband þessarar viku verður tileinkað jafnvægisæfingum. Vertu með okkur og farðu endurnærð/ur inn í restina af deginum.

>>Finndu okkur á Facebook hérna<<

Þú getur einnig alltaf >>haft samband hér<< eða sent tölvupóst á eyglo@jakkafatajoga.is