Öndun

Jógarnir hafa í árþúsundir sagt að öndun sé grunnur í stjórnun á orku líkamans. Að öndun sé hjólið sem knýr allt annað líf kroppsins áfram. Að með stjórnun á öndun megi ná stjórn á kropp, huga og athöfnum.

Dæmi eru um að jógameistarar frá Indlandi hafi náð svo mikilli stjórn á líkama sínum með öndun einni, að þeir geti stjórnað hraða púls að vild. Þó að við í daglega lífinu séum ekki endilega að leita að slíkri stjórn, þá gefur það merki um hversu vel er hægt að stjórna líkamanum og hversu illa okkur tekst það í daglega lífinu.

 

Praktísk atriði öndunar

En afhverju? Gæti einhver enn spurt sig, augljóslega geta allir andað (döh..). Afhverju ættum við að æfa okkur eitthvað sérstaklega í því?

Ástæðan er einfaldlega sú að flest óskum við eftir meiri orku, ef við náum betri stjórn á öndun, þá fáum við meira loft í lungun. Það þýðir að það fer meira súrefni út í vöðvana okkar og við getum hreyft þá betur, meira og lengur.

Dýpt öndunar skiptir einnig miklu máli, undirrituð varð fyrir áfalli þegar hún uppgötvaði skilgreininguna á „dauða loftinu“ í lífeðlisfræðiliegu samhengi. En það er notað loft sem verður eftir efst í lungum við fráöndun (ath notað loft) og er fyrsta loftið sem fer ofan í lungun við næstu innöndun (ath notað loft). Ef öndun er alltaf bara grunn, þá eigum við á hættu að anda dauða loftinu að og frá aftur og aftur og aftur….. og svo erum við hissa á því afhverju við fáum hausverk, eða afhverju við fáum stífar axlir, eða hugsum ekki lengur skýrt. Ástæðan er: allt of lítið súrefni í blóðinu, líkamanum, heilanum.

Er þig farið að langa til að anda dýpra?

Já, hélt það líka!  🙂

Djúp öndun

Byrjaðu á að gera þessa æfingu hérna. Smelltu heyrnatólum í eyrun og gefðu þér eina mínútu. Á miðvikudag verður svo útsending á Facebook síðu Jakkafatajóga þar sem við förum betur í öndun sem kallast Ujjayi.

Hefurðu spurningar sem þú vilt að við reynum að svara í útsendingunni? >>Sendu okkur línu hérna<<